Сиёсати махфият
Охирин тағйир: 20 октябри 2026
Ин сиёсат шарҳ медиҳад, ки сайти almostj.com, барномаи мобилии «Алмос ТҶ» ва боти Telegram @AlmosTJbot (минбаъд — «Алмос ТҶ», «мо») кадом маълумотро дар бораи шумо ҷамъ мекунанд, барои чӣ ва чӣ тавр онро нигоҳ медоранд. Оператори хизмат ва маълумот — соҳибкори инфиродӣ Асроров Саидаъзам Ҳабибович.
1. Кадом маълумотро мегирем
- Рақами телефон — барои ворид шудан бо рамзи SMS ва тамос дар бораи фармоиш.
- Ном ва, агар хоҳед, номи Instagram.
- ID-и бозӣ ё username-и Telegram, ки барои донат менависед, ва никнейми бозингаре, ки ҳангоми санҷиши ID пайдо мешавад.
- Фармоишҳо, баланс ва пуркуниҳо: маҳсулот, маблағ, вақт ва ҳолат.
- Маълумоти пардохт аз бонк: маблағ, вақт ва рақами пӯшидаи фиристанда (масалан 9920058***1001) — барои шинохтан ва ба баланс гузоштани пардохти шумо. Рақами пурраи корт ва паролҳоро мо намегирем.
- Токени огоҳиномаҳо (агар барномаро истифода баред) — барои фиристодани хабар дар бораи фармоиш ва баланс.
- Суроғаи IP — барои ҳимоя аз сӯиистифода (маҳдудияти SMS ва воридшавӣ).
2. Барои чӣ истифода мебарем
- Ворид шудан ба ҳисоб ва нигоҳ доштани баланс.
- Иҷрои фармоиш: донат ба ID-и бозӣ ё username-и шумо.
- Ба баланс гузоштани худкори пардохтҳо.
- Хабар дар бораи ҳолати фармоиш, пуркунӣ ва навигариҳои мағоза.
- Дастгирӣ ва ҳалли баҳсҳо, ҳимоя аз қаллобӣ.
Мо маълумоти шуморо намефурӯшем ва барои реклама истифода намебарем.
3. Ба кӣ дода мешавад
- Таъминкунандаи донат — танҳо ID-и бозӣ (ё username-и Telegram) ва маҳсулоти фармоиш, барои расондани донат.
- Хизмати SMS (Payomchi) — рақами телефон ва рамзи воридшавӣ.
- Google Firebase — токени огоҳиномаҳо, барои расондани хабар ба барнома.
- Telegram — агар тавассути бот харед, мувофиқи қоидаҳои худи Telegram.
- Мақомоти давлатӣ — танҳо бо талаби қонунии Ҷумҳурии Тоҷикистон.
4. Нигоҳдорӣ ва ҳимоя
Маълумот дар сервери мо нигоҳ дошта мешавад ва тавассути пайвасти рамзгузорӣшуда (HTTPS) интиқол меёбад. Дастрасӣ танҳо ба маъмурони мағоза дода мешавад.
5. Мӯҳлати нигоҳдорӣ
Маълумоти ҳисоб то нест кардани ҳисоб нигоҳ дошта мешавад. Баъд аз нест кардан ном, рақами телефон, Instagram, воридшавӣ ва токенҳои огоҳинома пок мешаванд; таърихи фармоишҳо ва пардохтҳо бе ном барои ҳисобот ва ҳалли баҳсҳо мемонад.
6. Ҳуқуқҳои шумо ва нест кардани ҳисоб
Шумо метавонед маълумоти худро бинед, ислоҳ кунед ё нест кардани ҳисобро талаб кунед. Чӣ тавр — дар саҳифаи Нест кардани ҳисоб.
7. Кӯдакон
Хизмат барои кӯдакони то 13-сола пешбинӣ нашудааст. Агар фикр кунед, ки кӯдак бе иҷозати волидон ҳисоб сохтааст, ба мо нависед — мо онро нест мекунем.
8. Тағйирот
Мо метавонем ин сиёсатро тағйир диҳем; санаи охирин тағйир дар боло навишта мешавад.
9. Тамос
Соҳибкори инфиродӣ Асроров Саидаъзам Ҳабибович
Суроға: Тоҷикистон, ш. Душанбе, кӯчаи Мирзо Турсунзода 27 «А», IT Park Dushanbe.
Дастгирӣ дар Telegram: @Almostj_admin · Бот: @AlmosTJbot · Сайт: almostj.com
Алмос ТҶ, Тоҷикистон.